Cóntannos algúns historiadores que no pasado do val de Laza viviron os Tamagos, de onde tamén colle o principal río o seu nome: Río Támega.

Os restos arqueolóxicos atopados na zona son abundantes, onde a cultura castrexa e romana tivo asentamentos.

As terras estiveron sometidas aos dominios do Conde de Monterrei, residindo en Laza o correxidor que gobernaba por delegación do Conde. A zona que agora é a Parroquia de Trez estivo baixo control do Conde de Montezuma, Marqués de Tenebrón; mentras que na parroquia da Alberguería, tiña Coto xurisdiccional o Arcediago de Varonceli

Para máis información podes visitar a web oficial do Concello :www.laza.es

As Tradicións do Concello de Laza pasan por ser unhas das máis famosas e fermosas de Galicia e tamén da Península Ibérica.

Por encima de todo destaca o ancestral Entroido, que ten como figura máis importante o Peliqueiro, mundialmente recoñecido.

Para cando chega a Semana Santa, en Laza recuperouse fai uns anos outra tradición especial típica destas celebracións: a Procesión dos Caladiños, no día de Venres Santo.

Outras das tradicións que aquí se conservan son o Santo Cristo, que cada ano se celebra no mes de Maio. A figura da "Eva" pon o lado misterioso en toda a celebración.

Nos pobos de Retorta e de Trez as loitas de Mouros e Cristiáns invaden as rúas. No mes de xullo, coincidindo coas festas patronais, represéntase a loita de Mouros contra Cristians.

(Ver máis ampliado na sección de Festas)