A parte máis intelectual do Entroido é sen dúbida o Testamento, que é unha narración escrita en cuartetos con rima, que é recitado polo Testamenteiro o martes de Entroido na praza da Picota. Danse a coñecer os segredos e cousas duns e doutros veciños con tono de humor. Trátase a política, e as cousas cotiáns.

Rematada a actualidade do pobo, repártense as partes e cachos do burro morto ese ano (en sentido figurativo, claro está).