Cambia o idiomaO Concello de Laza atópase ao sur da provincia de Ourense, marxeando cos Concellos de Castrelo do Val, Chandrexa de Queixa, Vilar de Barrio, Vilariño de Conso e Sarreaus. As súas terras están bañadas polo río Támega, cos seus afluentes, o río Cabras e río Codias, así como un sen fin de regatos favorecidos pola orografía montañosa. Cunha superficie de 216,38 kilómetros cadrados é un dos Concellos máis grandes da província.
No Concello distinguimos dúas zonas, unha montañosa e outra que é o Val do Támega. A montañosa está formada polas serras de San Mamede, Serra do Invernadeiro (Espazo Protexido), o Fial das Corzas, os Montes de Meda, etc.
Podemos practicar os deportes da caza, sendeirismo, mountain bike; ou ben recolectar os tan saborosos cogomelos dos innumerables pinares. Pola contra, no Val atoparémosnos cos prados verdes regados pola augas do Támega e os seus afluentes e arroios, onde o deporte da pesca daravos bos momentos de ledicia.
Os veciños deste Concello foron emigrantes, principalmente en Suíza e Alemaña. A día de hoxe queda algunha xeración nestes paises, pero xa se pode dicir que teñen instalada alí a súa residencia. Brasil e Arxentina foron outros países que acolleron nos tempos malos á os veciños do Concello, pero en menor número. O resto da emigración existente no Concello prodúcese dentro do territorio nacional ( véxase Madrid, Barcelona e Guipúzcoa principalmente ). Nos veráns, parte destes veciños achéganse a ver ás súas familias, polo que a poboación aumenta dun xeito considerable.
Este val é coñecido en todo o territorio nacional. A súa mellor imaxe publicitaria é a celebración do Entroido. Cada ano visítannos a pasar estas festas xentes de todos os rincóns do mundo. Calquera visitante que se achegue, será bén recibido polos veciños desta comarca.
Teño que sinalar, moi ao meu pesar, que carece das suficientes infraestruturas para aloxar un turismo en masas, pero para tal situación, o Concello atópase a moi poucos kms dun núcleo urbano maior, Verín.
Á vila de Laza chegan diferentes estradas: Unha do sur, que vindo dende Verín é vía de acceso a Castela e ao resto de Galicia, e outra do norte que nos une coa parte norte do Municipio e co resto de Galicia.
Dende fai uns poucos anos, o Municipio de Laza vai sendo máis e máis coñecido, ben polo Entroido de Laza, como por o seu entorno natural. Dentro do Concello hai moito que facer. Básicamente depende moito das ganas que teñamos. Temos un amplo abanico que vai dende actividades deportivas ao aire libre, como participar nalgunha das festas locais ou simplemente pasear polos seus arredores, visitar algún dos 22 pobos que compoñen o Concello ou si eres un amante do arte, podes visitar algúns dos monumentos relixiosos máis interesantes (igrexas) dos arredores, ou algúns restos de algún orixe semidescoñecido.
© 2010 Laza.info